Ош — Кара-Суу автоунаа жолуна түтүк түшүп кетип, эки адам мерт болду. Маалыматты Ош облустук милициясынан тастыкташты.
«Жабыркаган башка адамдар ооруканага жеткирилди. Окуя болгон жерде Кара-Суу райондук ички иштер бөлүмүнүн ыкчам-тергөө тобу тергөөгө чейинки иш-чараларды жүргүзүүдө», — дешти ОИИББден.
Маалыматта айтылгандай, жүк ташуучу автоунаа жолдун үстүнөн өткөн түтүккө тийип, ал жолго кулап түшкөн.