Кыргызстандык спортчулар жеңил атлетика боюнча дүйнө чемпионатына катышат. Бул тууралуу Маданият, маалымат, спорт жана жаштар саясаты министрлиги билдирди.
Маалыматка ылайык, турнир 19-августтан 27-августка чейин Венгриянын Будапешт шаарында өтөт. Жеңил атлетика боюнча дүйнө чемпионатына Кыргызстандын курамасынан жөө күлүктөр Тимур Исаков менен Гүлшанай Сатарова барат.
Спортчуларды машыктыруучу Андрей Полубабкин коштоп барат.
