Эртең, 2-мартта, Бишкектин Ак-Жар, Ак-Бата жана Келечек конуштарында ичүүчү суу өчүрүлөт. Бул тууралуу калаа мэриясы билдирди.
Мындай чектөө суу топтомолорунда жана шаардык суу түтүк тармактарында оңдоо иштеринин жүрүшүнө байланыштуу.
«2-мартта турак үйлөрдө, мектептерде, балдардын мектепке чейинки уюмдарында, саламаттык сактоо объектилеринде, социалдык-тиричилик багытындагы жана өнөр жай объектилеринде ичүүчү суу токтотулат», — деп эскертет мэрия.
«Бишкек суу канал» башкармалыгы ыңгайсыздык үчүн кечирим сурап, калкты таза сууну камдап алууга чакырат.