Маданият, маалымат, спорт жана жаштар саясаты министрлиги бул жумада өтө турган маданий иш-чаралардын тизмесин жарыялады.

Программа:

5-8-декабрь күндөрү саат 16:00дөн 18:00гө чейин Улуттук тарых музейинде БУУнун гендердик зомбулукка каршы багытталган бүткүл дүйнөлүк 16 күндүк кампаниясынын алкагында «Аялдар киносунун жумалыгы», кирүү акысыз;

6-декабрда саат 11:00дө жаңы реставрациядан өткөн Илья Тереньтевдин үй-музейинин ачылышы;

6-10-декабрь күндөрү Эл акыны, драматург, котормочу Жалил Садыковдун 90 жылдыгына карата театралдык жумалык жарыяланат.

Анын программасы:

6-декабрда саат 18:30да Кыргыз улуттук драма театрында «Манастын уулу Семетей», Ысык-Көл облустук музыкалык драма театры коёт;

7-декабрда саат 18:30да Кыргыз улуттук драма театрында «Өлүп тирилгендер», Ош улуттук драма театры коёт;

Саат 12:00 жана 18:30да Мамлекеттик улуттук орус драма театрында «Учур» мамлекеттик жаштар театрынын «Акмөөр» спектакли;

8-декабрда саат 13:00 жана 18:30да «Төлгө», Кыргыз улуттук академиялык драма театры коёт;

10-декабрда саат 11:00дө Кыргыз улуттук филармониясында Жалил Садыковдун 90 жылдыгына арналган салтанаттуу иш-чара;

8-декабрда саат 10:00дө Улуттук тарых музейинде Ормон хан Ниязбек уулунун (Ормон хандын) 230 жылдыгына арналган «Ормон хан Ниязбек уулу — XIX кылымдын орто чениндеги көчмөн Кыргыз мамлекетинин түзүүчүсү» деп аталган эл аралык илимий практикалык конференция;

12-декабрда саат 18:00дө Улуттук филармонияда Кыргызстан менен Россиянын эриш-аркак жылынын салтанаттуу жабылыш аземи.