Бишкекте бир нече коомдук транспорт маршрутун өзгөрттү.
Мэриянын маалыматына караганда, чечимдер шаардык каттамдарды ачуу, өзгөртүү жана жабуу маселелерин кароо боюнча ведомстволор аралык комиссиянын кезектеги жыйынында кабыл алынган.

№18 автобустун кыймылынын схемасын жарым-жартылай өзгөртүү (Кызыл-Туу айылы — «Ош» базары);
№234 маршрутту Төкөлдөш конушуна чейин (Виноградная көчөсүнө чейин) узартуу;
№233 маршрутту Чүй облустук ооруканасына чейин узартуу.
Акыркы эки учурда линияда маршруткалардын санынын көбөйүшүнө байланыштуу каттамдар өзгөртүлгөн.
Коомдук транспорттун иштеши боюнча суроолор болсо, (0502) 20-52-02 WhatsApp номерине кайрылууга болот.